BAGONG MGA LAPTOP MULA SA MSI

Nilabas ng MSI ang kanilang pinakabagong mga laptop kamakailan heto ang kanilang balilta tungkol dito: Manila, Philippines – May 7, 2009 – How much fashion can one usually find in a notebook PC? In the long list of ultra-light notebooks, the MSI X-Slim series stands out, irresistible and affordable! Given the title “world’s lightest and slimmest 13” notebook” at its debut in CES January 2009, the MSI X340 is 6 mm at its thinnest and 20 mm at its widest, weighing 1.3 kilograms with battery. MSI makes its fashion statement through the X-Slim series. The chic design of the X340 frees notebooks from the monotone and makes them works of art, attracting media eyes worldwide, and making MSI more a notebook boutique than an IT manufacturer. The X-Slim embraces a simple and modern design concept and meanwhile features the most advanced multimedia and power saving technologies. The First 13” Notebook Equipped with a 16:9 Wide Screen The X340 has a 13” LCD display instead of the usual 12” or smaller sizes. This provides more comfort in reading and operation as well as lighter weight compared to 14” models. The 16:9 theater ratio provides larger visual area. When watching movies, the black bars on the top and bottom usually found on screens with the 16:10 aspect ratio screen are avoided. This is perfect for playing HD videos at any possible angle, and is ideal for total visual enjoyment. The X340 is embedded with the LED power-saving backlight technology, which also provides better color fullness and brightness, elevating the total quality of imagery. Furthermore, the lower power usage gives a longer operating time. Full I/O Ports in a Notebook measured 6mm at its thinnest The X340 includes full I/O ports to provide users a full connectivity and ease of use. There are two USB sockets, one HDMI, a MIC-in, Headphone Out, D-Sub (VGA), an RJ-45 LAN port and a card reader. The MIC-in port supports microphone or headphone by auto-detecting which device is used. The friendly design makes exclusive vocal enjoyment sharable. HDMI Digital Terminal Interface offers more than 5 GB of transmitting bandwidth and also removes the complications of multiple cables. Five Alternatives for Power Saving The X340 is equipped with MSI’s ECO Engine power management system. Users are free to select from five different modes -- office, gaming, movies, presentation, and turbo battery. Through various conditions such as the brightness of the screen and standby timeframe, the power consumption can be much more flexible, providing much more uptime. This escalates the productivity and convenience for users of the X340. The X340 features the latest Intel® Centrino® Processor Technology, which uses Intel® Core™2 Solo ULV Processors and the Intel® GS45 + ICH9M-SFF Chipset, to deliver long battery life. All-around, Wireless Connectivity The X340 is embedded with an IEEE 802.16e WiMAX™ wireless module (optional), which elevates the X340's wireless performance and allowing the user's online experience to be faster and more mobile. Users can access the Internet world through WiMAX™, never missing the latest information. The X340 also has 802.11b /g/n Wi-Fi® wireless capability, covering all the bases when it comes to wireless connectivity protocols. The X340 also provides Bluetooth capability which can be connected to cellular phones, earbuds, PDAs, and other gadgets. Say goodbye to the fuss of lines and cables! Suggested Retail Price: MSI X340 Php 49,999.00

EPSON NAGBIGAY PARANGAL SA PIAP AWARDEES

Ang Pinoy nga naman, bigyan mo ng katumbas na teknolohiya tulad ng sa ibang bansa at makakaasa ka na aangat sila. Eto and pruweba:

Nagbigay ng parangal ang EPSON Philippines sa tatlong kumpanya na nanalo ng mga award para sa kanilang mga kahanga-hangang mga obra sa katatapos na Printing Industries Association of the Philippines Print Excellence Awards.

Ang binigyan ng parangal ay ang mga sumusunod: ang Velprint Corporation na nanalo sa apat na kategorya ang Books Category (colored), Books Category (Black & White), Brochures Category, at Magazines Category; ang Printwell, Inc. para sa Calendar Category at Folding Cartons; at ang Cebuanong Basic Graphics Inc. para sa Poster Category.

Ang tatlong kumpanya na ito ay lahat gumagamit ng EPSON Stylus Pro large format printers at ng EFI Colorproof XF. Ito ay mga printers na pang malakihang at madamihang trabaho na gawa ng EPSON. Sila ay natutuwa na dahil sa kanilang teknolohiya ay nakamit ng mga kumpanya na ito ang mga parangal na kanilang nakuha.

Tinanggap ni Robert Yam ng Printwell, Enienne Uy ng Velprint, at ni Edmun Tiu ng Basic Graphics ang parangal ng EPSON mula kanilang President na si Hideto Nakamura at mula kay Senior General Manager and Division Head for Sales & Marketing Eduardo Bonoan. Naandoon para magbigay pugay si John Chua, ang President ng PIAP.

Kung gusto ninyong makita ang sample ng nanalong entry ay pumunta lamang sa sari-sari store at tingnan ang bagong kahon ng Happy Toothpaste, iyon ang ikinapanalo ng Printwell. Habang ang entry Velprint ay ang libro na bago ni Dolphy at ang cover ng issue ng Preview magazine kung saan andun si Ruffa, si Gretchen, si Claudine at si Juday. Ang entry ng Basic Graphics ay isang poster na galing pa sa bansang Griyego (Greece) ang order.

Ayon sa mga nanalo na aming nakapanayam makatapos ng awarding ceremony, kung dati ay humahabol lang ang Pinas sa printing technology at sa mga produktong pang printing industry, ngayon ay hindi lang tayo nakahabol pero ang Pilipinas ay isa na sa nangunguna sa mga teknolohiya ng printing sa mundo sa tulong na din ng mga kumpanya tulad ng EPSON na siyang nagpapasok ng ganitong mga teknolohiya mula sa Japan dito sa atin.

Pero sabi nga ni Tiu ng Basic Printing, ang pinakamalaking hamon para sa mga printing company dito sa Pilipinas ay iyong pagiging handa. Madalas sa hindi ay may ugali ang mga tao, hindi lang ang Pinoy, na kung kailan dumating ang pangangailangan ay tsaka naghahanda. "Dapat maghanda kapag hindi pa kailangang maghanda, iyong panahon na hindi pa dumadating ang customer," ayon kay Tiu "dapat pagkatok ng customer at nagtanong kung kaya mo bang gawin ang order ko, ang sagot ay: Oo, matagal ko na kaya yan."

At naandiyan din na kapag ang customer ay international, dapat ay mataas ang kalidad at bilis ng trabaho, sabi ni Uy ng Velprint, "Pare-pareho na kami ng gamit ng mga printers mula sa ibang bansa dahil sa EPSON, ang usapan na lang ay ang bilis ng trabaho at ang quality." Ani niya, "At diyan magaling ang Pinoy, kapag ang usapan ay pagalingan."

Lingid sa kaalaman ng marami ang mga trabaho na siyang ginagawa ng mga kumpanya na ito. Madalas din naman kasi ay madami sa atin ang walang bilib sa ating kakayahan porke "lokal" at hindi "imported" pero sa tulong ng mga kumpanya na nagdadala ng teknolohiya kung saan ito kinakailangan ng industriya, tulad ng ginagawa ng EPSON sa kanilang pagbebenta ng kanilang mga large format printers, halimbawa na ang EPSON Stylus Pro 7900/9900, ay nakakalaban ang maliliit ng sabayan. Salamat sa EPSON at mabuhay ang mga Awardees at ang PIAP.

ANG BAGONG IPOD SHUFFLE

Hanep talaga ang teknolohiya ng Apple. Tingnan niyo itong bago nilang iPod Shuffle, and Pinakamaliit na MP3 player sa mundo:

Kung gusto mong alamin pa ang tungkol sa kanya klik mo lang ang link na ito www.apple.com/ipodshuffle/

ANG SUSUNOD NA ISANG BILYON

Ang Unlimited Potential Program ng Microsoft ay nakatuon sa susunod na isang bilyon na manggagamit ng computer sa buong mundo. Layunin ng programa na ito ng Microsoft, na siyang gumawa ng Computer Operating System na Windows, na mahikayat ang mga susunod na gagamit ng computer na piliin na gamitin ay ang kanilang operating system, ang Windows kaysa sa gawa ng ibang mga kumpanya. Oo, mayroong iba.

Sa mga gumagamit ng mga computer ay maaring sabihin batay sa mga datos na nubenta porsiyento ng mga gumagamit ng computer ay Windows ang siyang Operating System ang gamit. Habang ang sampung porsiyento ay gumagamit ng MAC OS o ang Operating System na gawa ng Macintosh o Apple. Habang may gapisngot na porsiyento na ang gamit ay ang tawag na Open Source o Open Operating System na base sa sistema ng UNIX. Halimbawa nito ay ang Red Hat Linux, etc.

Dito ngayon pumapasok ang Unlimited Potential program ng Microsoft. Oo nga na sila na ang nasa harap ng karera ng mga Operating System, pero ang layunin nila ay hindi na sila maalis sa rurok ng tagumpay ika nga. Hindi naman masamang layunin iyan, hindi ba iyan ang gusto ng lahat ng kumpanya, na ang kanilang produkto ang maging number one? O eh paano pag number one ka na? Hindi ba gusto mo hindi ka na matanggal?

Sa ilalim ng programa na ito ay kanilang ipinapakita sa mga bagong manggagamit at sa mga kasalukuyang gumagamit kung papaano nila mapapaagibayo ang mga nagagawa ng Windows para sa kanilang trabaho at para sa kanilang mga pang-araw-araw na gawain. Hindi kasi alam ng lahat ng tao ang mga nagagawa ng Windows Operating System. Kadalasan ang tingin lang dito ay platform lamang ng mga program na kanilang madalas gamitin. Hindi nila alam na madami itong nagagawa sa sarili lamang niya. Ako man na makatech ay nagulat sa dami ng mga bagay na aking natutunan dahil sa Unlimited Potential Program ng Microsoft.

Ito pa maganda, hindi tulad ng mga ibang tao diyan na pinagkakaperahan pa ang pagtuturo tungkol sa Windows, ang Unlimited Potential ay ang mga teacher ng iskwelahan ang siyang tinuturuan para kanilang maisalin sa kanilang mga istudyante ang karunungan. Naandiyan din ang mga tinatawag na Microsoft Tech Zones sa mga mall kung saan may mga experto na handang sumagot sa mga katanungan tungkol sa Windows.

ACER OTIS TOUR

Bago nagsimula ang mga laban sa LAN Party na inihanda ng ACER para sa mga miyembro ng ITJAP na aking kinalahukan ay iniikot kami sa Otis Facility ng ACER Philippines na siyang nagsisilbi bilang warehouse at main service facility nila. Ipinakita sa amin ang kanilang mga laboratoryo, at ang kanilang front desk kung saan ang mga tao na may dinulong na mga unit para sa repair at maintenance ay pumupunta.

Nakakatuwang sabihin na kung ikukumpara sa mga nakita ko na service centers ay kakaunti lang ang mga units na nakakalat para sa servicing. Maraming panuluklukan ay walang mga laman. Ito ay ebidensiya na nasisipat na ang ACER ay talagang binibigar ang kanilang pangako ng matitibay na computers pero ang kanilang service center ay mabilis at masigasig, na kapag may dinala ka na ipapa-repair ay mabilis ang tinatawag na turn around time o ang oras na wala ang iyong unit sa iyo dahil sa repair at maintenance. Para sa mga business ay malaking bagay ang turn around time.

Kay sarap para sa isang techie na tulad ko ang magumikot sa lugar na gayon. Lahat ng mga malulufet na gadgets na ginagamit sa pag repair ng mga PC at mga lamesa na talagang ginawa para sa pagsasaayos ng mga computer lamang. Para siyang de-kalidad na ospital para sa mga computer! Sana ako meron din na ganon dito sa Walastech Lab. Pero nakakahiya mang aminin ay isang mabigat na lamesa lang at simpleng kagamitan na pang ayos ang meron ako.

Isang napansin ko sa center ay ang mga bagong unit ng Gateway Computers na siyang nakadisplay sa isa sa mga shelves sa front desk. Nalaman ko na ang ACER ay binili kamakailan ang Gateway at pagdating ng Pebrero ay kanilang ibebenta na ito dito sa Pinas. Ang Gateway ay isa sa mga high-end, high-power na PCs na sa States laman available noon. Ang isa sa kanilang mga naipagmalaki noon ay siya ang gamit na computer ni Bill Gates, ang dating nagmamayari ng Microsoft. Hindi ko sigurado kung totoo ito o kwentong barbero lang ng kabarkada ko. Pwes malalaman ko din yan balang araw pag nakapagreview na ako ng isang unit.

Pero ito ang alam ko sa ngayon, isa sa aking mga matatalik na kaibigan, si Jasper Briones, Presidente ng ATACS ay kumuha ng Gateway noon para sa kanya. Isa iyon sa mga sinaunang unit na dumating dito sa pinas. Naglolokohan nga kani noon dahil ang Gateway ay hindi basta basta pumapayag na kahit sino man ay bumili ng kanilang unit at dalhin ito kung saan-saan. Binabantayang mabuti ng Gateway kung saang mga bansa dinadala ang kanilang mga unit.

Eniwey, ang magandang balita ay salamat sa ACER ay ang naandito na sa Pinas. May mga pinakita din sa amin na mga bagong computer ang ACER doon sa Otis Facility na hindi pa naipapakita sa publiko. Mga unit na ilalabas nila para sa 2009. Hindi pa namin pwede pakita ang mga pictures o ang mga specs nito kasi secret pa sila. Pero ito and masasabi ko, base sa mga nakita ko ay nakapuwesto ang ACER na maging isa sa mga dominante ngayong taon. At nakaka-excite ang paglabas ng mga bagong unit na ito!

WT3 - 003

Nakakatawang isipin na kung sino ang siyang pinakanangangailangan ng edukasyon, ang mga mahihirap nating mga kababayan, ay sila pa ang siyang napapagkaitan ng magandang pag-aaral. Minsan ay nabanggit ko sa aking tiyahin na isang Dean sa isang pribadong paaralan sa aking bayan na doon ko na lang pagaaralin ang aking mga anak.

Laking gulat ko ng bigla siyang nagalit at sinabing "Huwag mong ma lang-lang ang aking iskwelahan! Madami na kaming mga achievements din! Hindi kami basta bastang iskwelahan." Obviously hindi naintindihan ng aking tiyahin ang aking ibig sabihin kasi hindi ko naman mina-mata ang kaniyang iskwela, ang aking ibig sabihin ay doon ko na "lamang" (abbreviation: lang) pag-aaralin ang aking mga anak dahil hindi ko kayang tustusin ang kanilang pag-aaral sa mga mas mahal na pribadong paaralan.

Bakit nga ba napaka-defensive ng mga ibang iskwela. Marahil ganoon ang reaksiyon ng aking tiyahin kasi minaliit ko, noong ako ay bata pa, ang isa sa mga Valedictorian ng iskwela niya, na kung aking ikukumpara sa aking dunong noon ay sadyang bobo. Hindi naman po nagmamayabang, nagsasabi lang...lamang...ng katotohanan. Eh, sa mas madami akong alam doon sa tao eh, ano magagawa ko? Hindi ko naman sinadya na pahiyain siya, hindi naman ako ang nagpasimuno ng diskurso, ng kumpetisyon, eh natalo ko eh, ano magagawa ko, hindi lang naman siya ang tinalo ko, mayroon namang iba, at pati din naman ako natalo din kapagdaka. Haaay...ang tao nga naman. Pride goeth before the fall.

Eniwey, iyon nga ang ibig kong sabihin, kung ang edukasyon ay pantay, eh di dapat hindi na nangyari iyung insidente na iyon, at hindi na dapat nabuwisit sa akin ang tiyahin ko. Diyan ngayon pumapasok ang teknolohiya ng internet kasi sa pamamagitan ng online education, ay maaring maging pare-pareho ang turo sa lahat ng lugar sa mundo. Wala nang maiiwan, wala nang mahuhuli sa antas at dunong dahil iisa na lang ang panggalingan. Pero kailan pa? Hindi pa ngayong taon na ito, at hindi pa sa mga susunod na taon.

Masyado pang nagtatalo ang mga marurunong kung kailan nila gagawin ito. At sa ating bansa ay nagtatalo pa ang mga buwaya sa gobyerno kung paano nila pagkakakitaan pati ang edukasyon ng ating mga kababayan na hikahos. Sila ang totoong buwisit. Sila ang dapat na maturuan ng leksiyon.

WT3 - 002

Noong katapusan ng 2008 ay may pinuntahan ako na kasal na ginanap sa lugar ng Los Banos sa Laguna. Noong naandoon ako ay napansin ko na problemado pa din ang signal ng mga cellphone. Nakakatawang isipin dahil sa napakatagal na na mayroong mga cellphone sa ating bansa pero hanggang sa ngayon ay hindi pa din nasasakop ng signal ang lahat ng lugar.

Magaling sana kung medyo liblib ang lugar na pinuntahan ko eh, pero Los Banos ito, isang lugar na matagal nang dinadayo ng mga turista, at isang daang taon na itong sineserbisyuhan ang mga estudyante ng UPLB. Kung ganoon ay ano ang istorya kung bakit walang signal ang ibang mga network?

Siguro wala pa ang Bayantel doon kasi bago pa nga naman ang network nila na wireless. Siguro mahina ang SUN Cellular kasi nga naman medyo may kalayuan na siya sa malaking siyudad kung saan mas napapagigi ng SUN Cellular ang kanilang paglagay ng mga cell sites. Pero bakit sobrang hina ng GLOBE? Minsan nga ay parang sa mga piling lugar lamang may signal. Pati nga ang SMART ay ganoon din.

Hmmm. Hindi kaya dahil may mga pwersa na ayaw na maging maayos ang komunikasyon sa mga liblib na lugar. Siguro naman ay hindi na lingid sa inyo ang mga gawain ng CPP-NPA sa mga probinsiya, kung saan kapag hindi nagbigay ang mga kumpanya ng telekomunikasyon ng "revolutionary tax" o kikil ay kanilang walang pakundangan na papasabugin ang cell site.

Bakit kaya nila ginagawa ito ano? Kasi ang dalawang kailangan ng kahit na anong komunidad para ito ay umunlad ay ang transportasyon at ang komunikasyon. Kaya nga palagi na lang mga bus operators at kumpanya ng komunikasyon ang pinupuntirya ng mga lintik na iyan eh. Takot sila na umunlad ang mga bayan na kanilang ginagalawan.

Kasi kasama ng pag-unlad ay ang karunungan. At mga mang-mang lamang ang nagpapagamit sa mga ideyolohiyang baluktot. Hindi ko sinasabi na tuwid ang ibang mga sistema, pero ang paggamit ng dahas, pananakot, at ang pagpigil ng pag-unlad, iyan ang hindi ko gusto.

Kayo ba aking mga kaibigan na komunista ang tama? Ang inyong ideyolohiya ba ang tapat? Kayo nga ba ang tamang daan sa isang matiwasay na kinabukasan? Sige nga, pabayaan ninyo na magkaroon ng komunikasyon, teknolohiya at dunong ang inyong mga nasasakupan. Ayaw ninyo? Bakit? Takot ba kayo na malaman ng mga tao ang katotohanan? Sus!

WT3 - 001

Ang katotohanan po ay napakiharap nitong mga nakaraang taon mula ng matigil ang paglabas ng Walastech sa diyaryo. Kasi po ay hindi ko na po naabot ang mga mambabasa na nais ko na maabot. Hindi naman po kasi nakakapaginternet ang mga kababayan natin na mahihirap na siyang gusto ko na maturuan ng teknolohiya.

Iyan ang masaklap na katotohanan. Kaya po kung inyong napansin ay medyo wala na po akong ganang magsulat dito sa Walastech. Pati po ang aking mga kasamahan sa Team Walastech ay wala na din pong gana.

Pero paminsan-minsan ay may natatanggap po ako na text o kaya ay email mula sa mga mambabasa. Nabubuhayan po ako ng loob na baka sakali na mayroon nga na nagbabasa ng aking blog. At nabibigyan po ako ng kaunting saya at gana na ipagpatuloy itong aking ginagawa. Kahit na minsan ay parang napapagtawanan na ako ng ibang mga kolumnista ng teknolohiya sa ating bansa.

Kasi po mas madami ang nagbabasa sa kanila. Biro o pangugutya nila na "Sino naman ang magbabasa ng kolumn mo eh Filipino iyan? Medyo hindi konek diba? Makabagong teknolohiya at wikang Filipino?"

Kahit na anong inis o galit ang aking nararamdaman sa kanilang mga sinasabi ay kailangan kong tanggapin. Kasi nga naman, kahit masakit, ay iyon ang katotohanan. Noong tinanggal ang Walastech sa diyaryo, ang tinira sa walo na bagong kolumn kasama ang sa akin ay ang kolumn tungkol sa Feng Shui na hanggang ngayon ay naandoon pa din. Sino nga naman ako para kumalaban sa Feng Shui, isang teknolohiya at siyensiya na noong panahon pa ni Limahong ay nakatatag na? Geomancy ang tawag sa kanya ng mag banyaga sa Kanluran.

Kaya eto ako. Hindi naman sumusuko, andito pa din. Walastech pa din. Sana ngayong taon na ito, ang ika-apat na taon simula ng sinimulan ko ang Walastech, ay sipagin sana ako.

walastech II 006 - 081121 DESKTOP VIRTUALIZATION

May computer ba kayo sa bahay? Nagaagawan ba ang mga kasambahay sa nagiisang computer para sa paggawa ng mga project, pag surf sa internet at sa kung ano ano pa? Nagpapabili na ba ng sariling computer ang inyong anak sa inyo? Nasisiraan na ba kayo ng bait sa laki ng binabayaran sa kuryente dahil sa madaming computer sa bahay?

Maaring ang sagot sa inyong problema lalo na ngayong panahon ng krisis ay ang Desktop Virtualization ng NComputing. Ang NComputing ay isang kumpanya mula sa US na espesyalista sa pagtataguyod ng ganitong teknolohiya. Medyo nakakaisang milyong lang naman na silang instalasyong nitong nakaraan na dalawang taon. Ano ba ang Desktop Virtualization?

Sa pamamagitan ng pagkabit ng isang bagong card sa inyong computer, pagpasok ng vSpace Virtualization software at pagkabit ng mga ilang maliliit na NComputing access device ay maari nang magkabit ng dagdag na monitor, mouse at keyboard, pati na din headphones at micropono sa iisang computer. Mula dagdag na tatlo hanggang sampu pang computer sa gamit ng kanilang X-Series. At mula lima hanggang tatlumpu gamit ang kanilang L-Series na gumagamit ng LAN network o iyung tawag na Ethernet.

Lahat ng nakakabit na extrang ito ay ginagamit iyung iisang computer lang kung saan nakakabit iyung ibang mga access devices. Parang master computer baga. O sige, pero paano iyung dagdag na kuryente? One watt lang ang gamit nung mga access device. Kung ikukumpara, ang regular na computer ay gumagamit mula 60 hanggang 110 watts kada ora. Ito, isa--isang watt. Mas malakas pa ang gamit ng inyong cellphone pag nagchacharge. Ang L-Series ay mas malaki ang gamit, lima.

Sino na ang mga gumagamit ng NComputing dito sa Pinas? Gamit na siya ng AFP, ng PNP, ng Adamson, ng V. Luna at ng mga kumpanyang KFC at Perkins Elmer. Gaano naman kahirap ito ikabit? Madali, kung may alam ka sa computer, kabit lang ng bagong card, install ng software at kabit ng mga kabilya eh ready to fight ka na. Kung wala kang masyadong alam ay oks lang, kasi pag bumili ka ng kanilang kit, libre ang pagkabit pati na ang pag lagay ng mga kable.

Okay, siguro ang nasa isip na ninyo eh magkano. Ayon kay Manish Sharma, Bise Presidente ng NComputing para sa Asya Pasipiko ang kanilang presyo ay bumabagsak sa 7000 isang unit para sa X-Series, at 13500 isang unit para sa L-Series.

Mahal? isipin, magkano ang bagong CPU? Hmm? Ang dagdag na gastos kada isang unit ay isang monitor, isang keyboard at isang mouse. Kung hindi ka mapili eh mayroon na makukuhanan ng lahat ng iyan sa 2000. So papatak, 9000 kada bagong workstation. Sige...asa ka pa. Tandaan, isang watt lang ang gamit nito ha, hindi 110 watts. So pagdating ni Popoy Meralco, ang dagdag sa kuryente eh...sa pangmatagalan talo ka.

Ngayon, hindi naman lahat ay pwedeng gamitin sa solusyon ng NComputing. Obvious kasi naman na tatlo tatlo ang gumagamit sa iisang computer kaya hindi pwedeng maglaro ng mga 3D games sa computer, o kaya ay mag lay-out ng malalaking files o ano mang gawain tulad ng number crunching o compiling sa virtual network na ito, pero kung ang gagawin lang eh manonood ng video sa you tube, makikinig sa music, magsusulat ng project o anu mang gawain ng estudyante ay pwedeng pwede na ito bilang sagot sa pangangailangan ng maraming computer sa iisang bahay.

So paano mo sila mahahanap? Dito: NComputing

*******

Paano kaya nangyari iyon?

Ayon kay Manish Sharma, kahit na lumalakas ang mga computer sa nakaraang 20 taon ay hindi naman masyadong nagbago kasi ang paggamit ng mga tao sa kanilang mga computer. Agree ako.

Maliban na lang sa mga power gamers at sa mga ilang propesyonal na gumagamit ng computer para sa processing ng mga datos o sa mga gumagamit nito sa creatives tulad ng mga video at mga pictures na malalaki, at mga audio na high quality tulad ng mga recording companies, at kung anu-ano pang mga pili na trabaho, ang gamit pa din ng karamihan sa computer ay word processing, casual gaming, at kamakailan lang, internet access at, humihiram ng salita mula kay Ricky Banaag, President ng Intel Philippines, Content Consumption (YouTube po).

Dahil dito, at kung hindi kayo naniniwala sa akin, sige tingnan ninyo ang CPU isage ng computer ninyo habang gumagamit kayo ng internet o kahit na pag nanonood ng sine sa computer. Malaki ang hindi nagagamit. Sa pagkabit ng dagdag na virtual desktops magagamit ang nasasayang na processing power na ito. Nasasayang kasi nakatiwangwang lang iyan.

Naniniwala kami dito sa Walastech na sa pamamagitan ng ganitong mga teknolohiya ay maaring maabot ng ating bansa ang panaginip na magkaroon ng isang computer kada Pilipino. Imposible? Ginawa na ito ng Macedonia katulong ang NComputing. Nagawa nila na bigyan ng isang computer ang bawat isang estudyante sa bansa nila. Halos 200,000 computer.

*******

walastech II 005 - 081030 A COOL CHANGE

Simula po ngayong Nobyembre ay magiging regular na po ang update ng Walastech Blog na ito. Ako po ay humihingi ng paumanhin sa mga mambabasa ko na marahil ay nabubuwisit na dahil sa hindi regular ang paglalagay ko ng mga topic sa blog na ito.
Tatlong beses po kada linggo o mas madami pa kung kakayanin kung ako ay maglalagay ng mga bagong topics at mga kasagutan sa mga tanong ninyo. Minsan nga lang ay baka sa isang bagsak ko lang siya ilagak dahil na rin po sa aking iskedyul na napakahirap matantiya.

Ako po kasi ay nagsusulat na para sa Playground Magazine (playgroundmag.multiply.com)ng ilang buwan na. Kaya po madalas na ako ay nabibigyan ng mga assignment, at kada linggo po sa araw ng Miyerkules alas nuwebe hanggang alas dose ng gabi ay ako po kadalasang nagiging panauhin sa Playground on Air sa Jam 88.3 FM para magsalita tungkol sa gaming.

Ako din po ay kasalukuyang Executive Director ng Information Technology Journalists Association of the Philippines (ITJAP) na mas kilala sa tawag na Cyberpress (www.cyberpress.org.ph) na siya ring kumikitil sa aking oras paminsan-minsan dahil sa aking mga responsibilidad.

Pero iyun nga, dahil sa aking balak na paglagay ng internet connection sa aming bahay muli ay baka mas mapadalas na po ang pag-update ng Walastech. Sana po.

Isa pang magiging malaking pagbabago ay ang aking paglagay ng mga buong press release sa blog na hindi ko na po gagawing tagalog. Ito na rin po ay dahil nakakaawa naman iyung mga hindi makabasa ng ating wika pero gustong malaman kung ano ang mga balita na aking nilalagay sa blog.

Muli, salamat sa inyong pagtangkilik. Padala lang po ang inyong mga katanungan sa walastech@gmail.com. Isa pong mapayapang undas sa inyong lahat!