Kagabi ako ay naging guest sa Playground on Air sa Jam 88.3. Kinausap ako ni DJ Gabe at ni DJ Patti tungkol sa kung ano ang mga nanagyayari sa electronic gaming dito sa Pilipinas. Bilang isa sa mga reporter na matagal ng nagbabantay ng mga balita mula sa mundo ng teknolohiya at kasama na diyan ang electronic gaming, ako ay nakapagbigay naman ng, sa aking palagay, ay maayos na kasagutan sa kanilang mga tanong.
Ang dahilan naman na ako ang napiling guest nila, ay sapagkat naging correspondent ako ng Playground Gaming Magazine kamakailan ng kami ay magkita ni Bb. Mitch Baylosis. Una kaming nagkita noon ng siya at sampu ng kanyang mga kasamahan mula sa October Eighty Publications ay aking kinapanayam para sa Hackenslash.net noon tungkol sa kanilang bagong magasin.
Para sa akin ay napakasarap ng pakiramdam na ako ay muling nakapagsalita sa radyo. Sa aking pakiwari ay may katagalan na din mula ng ako ay nakapag-onboard kung tawagin. Huling beses akong nakapagradyo ay sa AM pa, sa show ni Tia Dely Magpayo.
Maganda naman ang kinalabasan ng pag-guest ko doon sa show. Dangan na din kasi na karamihan sa mga tanong sa akin ay nasagot ka noon pa ng ako ay nagsalita din tungkol sa gaming sa College of St. Benilde nung ako ay naging speaker para sa isang event doon ng World Cyber Games na itinanghal ni Tjader Regis ng Philippine e-sports.
Ako ay muling magiging speaker na magbibigay ng State of the Gaming Nation Address (SoGNA) sa UP Engineering Auditorium sa Setyembre 23, 2008. Sana ay makadalo kayo.
Maari kayong bumili ng Playground Magazine sa mga piling tindahan, at makinig sa Playground On Air sa Jam 88.3 sa FM radio kada Miyerkules alas-9 hanggang alas-12 ng gabi.
~0~0~0~0~0~0~0~
Padala ang mga katanungan ninyo tungkol sa T.E.C.H. (Telephones, Electronics, Computers, at Hardware) sa walastech@gmail.com o mag text sa 09235822615 at sasagutin namin sa mga susunod na column. Basahin sa http://walastech.blogspot.com ang mga dating issue.
September 11, 2008
Subscribe to:
Posts (Atom)
