ANO BA IYANG TSAT NA IYAN?

ANO BA IYANG TSAT NA IYAN? Ni Relly Carpio

CHAT ang makipagusap tungkol sa mga bagay-bagay, makipagututang-dila. Siyempre mas class sabihin ang: Care to chat? kaysa: Hey you wanna make ututang-dila?

Ang chat ay bansag din sa pakikipagusap sa internet sa pamamagitan ng pagpapadala ng maiigsing mga message. Kahit mayroon ng Video-Chat sa internet ay ngayon pa lamang nauuso ang makipagusap ng parang sa telepono sa pamamagitan ng internet. Kaya ang siyang naging palasak na paraan ng pakikipagugnay sa internet ay nahati sa tatlo: ang email kung saan nagpapadala ka ng sulat sa mga tao na iyong gustong makausap, ang bulletin board service o BBS kung saan magpapadala ka ng sulat na maaring mabasa ng madaming tao, at ang chatrooms kung saan maari kang magpadala ng mga maigsing mensahe na mababasa ng mula isa hanggang isang libong tao na nasa "loob" ng chatroom.

Matagal nang may chat. Bago nagkaroon ng matinong email ay mayroon nang matinong chat client dahil sa nauna ang BBS na parang chat pero hindi mabilisan.

Ang chat kasi eh pagkatapos mong ipadala ang message ay darating na agad sa kausap mo. Parang text. Hindi tulad ng BBS noon na may panahon pa. Pero wala nang BBS ngayon, napalitan na siya ng mga tinatawag na Forums sa Internet.

So? Ano gamit ng chat? Para sa halos 8 milyon nating kababayan na may mga kamaganak sa ibang bansa, sa pamamagitan ng free-chat ng mga Instant Messenger services ng mga free-email clients tulad ng Yahoo, at Hotmail at ng kung alin-alin pa ay maari kayong makapagusap at makita pa sila sa pamamagitan ng webcam. Sa pagdating ng Voice-Over-Internet-Protocols o VOIP ay maari pa ninyong makausap sila ng parang nasa telepono.

Magkano? Libre. Oo libre. Ang babayaran mo lang ay iyung paggamit ng computer kung sa cybercafe ka makikipag video chat, o iyung pambili ng computer, at bayad sa Internet Service Provider kung gusto mo naman sa bahay.

Aabutin ka ng mga 20,000 para sa matinong pang videochat sa bahay, at kailangan kang magbayad monthly para sa internet at sa kuryente, pero kung gusto mo na buong day-off ni mister sa Jeddah ay nakikita mo siya sa camera at nakakausap sa pamamagitan ng chat ay okay lang. Kung gusto mo iset-up mo sa ulunan ng lamesa ninyo ay pwede na uli kayong kumain na parang naandoon siya mismo sa bahay!

Parang iyung commercial sa TV. Totoo iyon at affordable na dahil ang mura na ng teknolohiya. Kung gusto ninyong magkaroon niyan ay magtanong sa mga mapapagkatiwalaang computer shop. Long distance calls? Laos na iyan.

Siyempre magandang makita mo muna at matuto kung paano iyang chat bago ka mag-invest sa computer at internet connection. Maghanap ng marunong, pumunta sa internet shop at magpaturo.

-0-0-0-0-0-0-0-

TANONG: Pinablock ko po ang unit ko Nokia 6230, ibinigay ko serial number sa NTC pero di ko pinablock ang SIM ko kasi alam ko rin tinanggal. Cgurado po bang blocked na yon at di magagamit? Madali po bang ma-unblock iyon? Pwede pa bang mapa-blocked uli? Thanx much!

SAGOT: Ito ngayon ang masakit na katotohanan: Hindi sigurado ang blocking, madaling magpa-unblock at hindi na pwedeng i-block uli. Kaasar ano?

Kasi mayroong mga asoge diyan na imbis na i-report ang mga obvious na nakaw na cellphone ay pikit matang aayusin ang blocked na cellphone para lang sa ilang daang piso!

Ang tanga naman nila kung hindi nila mapansin na miyembro ng JJA (Jumpin' Jologs Army ika nga ni Mareng Aivie) ang nagbebenta sa kanila ng mamahaling cellphone. Heller! Pambili nga ng matinong toothpaste wala iyung tao (hindi mo ba naamoy!) pambili pa kaya ng Nokia 6230 na worth 18,000!

Iyan ang malaking problema nating mga matitinong mamamayan. Hanggat may mga tao na handang bumili ng nakaw para lamang magkaroon ng cellphone ay may magbebenta. At buhay ang kapalit ng mga pagnanakaw na ito. Naisip niyo ba iyon, kayong mga asogeng nag-tatanggal ng IMEI-block ng cellphone? Tubuan sana kayo ng limang kulani sa isang kilikili!

-0-0-0-0-0-0-0-

Ang Certified Microsoft Office Specialist at beterano sa ICT na si Prof. Jerry Liao ay magpapalabas muli ng kaniyang pinakaiintay na POWERTIPS SEMINAR sa Setyembre 14, 2005 sa Rizal Ballroom ng Makati Shangrila Hotel.

Ang POWERTIPS 2005 ay hindi basta-basta computer seminar. Babaguhin nito ang pagtingin ninyo sa pagtrabaho na gamit ang Microsoft Office. Magtuturo ito sa inyo ng shortcuts, tips, at techniques na papalawigin ang inyong karunungan at galing sa Microsoft Office. Inaanyayahan ang lahat, lalo na ang mga estudyante, teachers at office workers na dumalo.

Supportado ng GlobeLines, Microsoft, Silicon Valley, Smart, AMA, Avaya, Canon, EMC, Epson, HP, APC InfraStruXure, PLDT myDSL, Nexus Technologies, PalmOne, PLDTOnline, Samsung, SAP at ng STI ang Powertips 2005. Siyempre, kasama ang Team WALASTECH! sa pag-endorso dito.

Tickets para sa POWERTIPS 2005 ay mabibili sa lahat ng SM TicketNet outlets. Pwede ring mag-register online sa www.microsoft.com/philippines/powertips.

~0~0~0~0~0~0~0~

Padala ang mga katanungan ninyo tungkol sa T.E.C.H. (Telephones, Electronics, Computers at Hardware) sa walastech@gmail.com o sa SMART +639182772204 at sasagutin namin sa mga susunod na column. Basahin sa http://walastech.blogspot.com ang mga dating issue.

-035-

I.C.E. = IN CASE OF EMERGENCY

In Case of Emergency Ni Relly Carpio

Mayroong isang paramedic na taga Cambridge sa United Kingdom na nagpalabas ng nationwide campaign sa kanila kasama ang Vodafone, ang pinakamalaking network provider sa Europa, para hikayatin ang mga tao na maglagay ng emergency contact numbers sa kanilang mga cellphone.

Ayon kay Bob Brotchie, ang clinical team leader sa East Anglican Ambulance NHS Trust, naisip niya ito nung minsan ay nagpupumilit siyang kumuha ng number na matatawagan sa mga cellphone ng mga naaksidente na kanyang nilulunasan at hindi niya malaman kung sino tatawagan.

Simple lang ang paraan niya, lagyan lang ng ICE short for In Case of Emergency sa harap ng pangalan ng dapat tawagan ng emergency personnel kung sakaling maaksidente kayo. Halimbawa: ICE Elson sa pamamagitan nito ay malalaman na nila na si Elson ang kanilang kakausapin at sasabihan.

May research kasi na ginawa ang Vodafone na nagsabi ng 75 porsiyento ng mga tao ay hindi naglalagay ng kahit anong ngalan ng tao na dapat tawagan kung sakaling may mangyari. Tingnan nyo na lang ang wallet ninyo kung may makita kayo na nakasulat sa In Case of Emergency na may laman na madaling makita?

Magandang ideya ang naisip ni Ginoong Brotchie. Lahat nga naman halos ng tao ay may cellphone, at madalas ay nabubuhay naman ang cellphone kapag ikaw ay nadisgrasya, tsaka mahirap sirain ang SIM sa pamamagitan ng pagsagasa o pagbaril o ano man.

Maiiwasan din nito na kapag ikaw ay naaksidente eh ang matawagan ay ang Nanay mo. Baka mapaano pa iyon, baka mabigla diba? Siyempre, ang ilagay mo sa ICE ay iyung cool at wais na kamaganak para di rin mabigla o maloko ng mga mapansamantala. Kasi...

-0-0-0-0-0-0-0-

Sabi naman ng isang eksperto sa security na aking nakausap, huwag ka naman daw maglalagay ng mga pangalan sa cellphone na maaring magamit ng mga masasamang tao kung sakaling makuha nila ang cellphone mo. Halimbawa: Imbis na lagay mo Nanay, Tito, Anak, Honey, Babe, Lolo, Etc. Lagay mo na lang pangalan nila basta, o kaya iyung bansag mo sa kanila. Dahil hindi ito maiintindihan ng basta sino-sino at hindi magagamit sa masama.

Mayroon nang insidente na ang isang mama ay naholdap at nakuha ang kanyang cellphone at wallet. Tinext ng mga magnanakaw ang kanyang "Honey" ng "Babe, nakalimutan ko ang PIN ko sa ATM. Ano uli? Love you, pauwi na ako." Binigay ng asawa dahil akala niya ay ito ang kanyang mister. Limas ang kanilang ATM.

Naintindihan niyo na kung bakit hindi dapat? O iyung katulong na niloko gamit ang nanakaw na cellphone ng kanyang amo? Tumawag ang nakanakaw ng cellphone sinabihan si "Yaya" na ilabas ang jewelry box ng kaniyang ate at dalhin sa isang kainan sa mataong lugar at mag text back kung andoon na siya. Nung ginawa ito nito ay "ipinaabot" sa isang kaibigan na "naandoon."

Nang makauwi ang mga nabiktima ay para silang napagbagsakan ng langit at lupa. Okay? Mga suggestions lang naman po ito, mga "kung sakali" wala namang mawawala kung gagawin diba?

Siguro ay iyung pangalan na nasa ICE lamang ang magiging problema kung sakali na may gustong manlapastangan sa inyo kapag nanakaw ang cellphone, pero ang kapalit na malaman naman ng mga paramediko ang tamang numero na tatawagan kung sakali ay sapat ng dahilan para sa kaunting pangamba na iyon. Basta maging wais para di ma-asoge ng mga asoge.

-0-0-0-0-0-0-0-

TANONG: Ask ko lang kung bakit di ko mai-play yung libreng polytone? Nakalagay lang question mark. Ang model po ng cell ko ay Motorola C651 kinain lang po ang load ko.

SAGOT: Una, hindi ang cellphone ang kumain ng load mo, sunod, hindi rin ang network provider ang kumain ng load mo, ang kumain ng load mo ay iyung tinatawag na content provider na siyang nagbebenta sa atin ng mga VAS o Value Added Services tulad niyang polytone na dinownload mo. Pero nakain ang load mo dahil ipinakain mo.

Ang problema kasi ay madami sa mga VAS na gawa ng mga content providers ay compatible lamang sa bilang na klase ng cellphone. Dahil ang mga cellphone ay may kanya-kanyang platform. Kapag ang VAS ay nadownload sa isang phone na hindi nakakakilala dito, question mark lang ang makikita mo.

Ang solusyon, lalo na kung hindi ka sigurado sa dinodownload mo ay huwag kang mag download. Lalo na iyung mga dinadaan sa pamamagitan ng text messages lamang. Iyan ang madalas na nakakasakit ng ulo.

Para makaiwas sa ganyang suliranin, daanin na lamang thru GPRS WAP ang pagkuha ng content o mula sa content sellers via connection sa mga stall para sure ka na umaandar sa inyo. Sayang nga naman ang pera diba?

~0~0~0~0~0~0~0~

Padala ang mga katanungan ninyo tungkol sa T.E.C.H. (Telephones, Electronics, Computers at Hardware) sa walastech@gmail.com o sa SMART 09182772204 at sasagutin namin sa mga susunod na column. Basahin sa http://walastech.blogspot.com ang mga dating issue.

-034-

CELLPHONE OPEN CODES

CELLPHONE OPEN CODES Ni Relly Carpio

"PWEDE po bang mahingi ang cellphone open codes at international codes Mr. Tech?"

Hinde. Kasi illegal ang gamitin ang mga iyon. Ito ang sinasabi ko palagi sa mga texter at dito sa column na: magpaayos sa authorized service centers. Dahil sila lang ang may legal authority para gumamit ng mga cellphone open codes at ng international codes.

Ang cellphone open codes ang mga programming numbers na nag-oopen ng mga cellphone para gumamit ng kahit anong network. Ito ay confidential property ng mga cellphone manufacturers at kanilang binibigay lamang sa mga kanilang repair centers. Ang international codes naman ay ang mga numbers na binibigay ng mga network providers para mapasok ng isang cellphone ang kanilang network.

Ang masakit ay kahit na anong higpit ng security ng mga network providers at ng manufacturers ay mayroon pa ring nakakakuha ng mga codes na ito sa pamamagitan ng black market o sa pamamagitan ng hacker sites sa internet. Illegal ang gumamit ng mga numbers na ito ng walang pahintulot sa mga kinauukulan. Kaya hindi, hindi ko alam ang mga ito at kung alam ko man ay hindi ko ipamimigay.

-0-0-0-0-0-0-0-

TANONG: Ano po ang diperensiya pag ang LCD may continuous horizontal blank line? Ang unit ko ay Nokia 3310. Ty. Nice Job! Jason ng Mand.

SAGOT: Malaki ang tsansa na basag na ang LCD mo. Ang horizontal blank line na iyan ay indikasyon na may parte ng LCD mo na hindi na nakakatanggap ng electronic signal mula sa graphics chip ng cellphone na nagpapagana dito.

Ang ibig sabihin ng LCD ay Liquid Crystal Display. Mayroon itong crystals na nakaipit sa gitna ng dalawang plate ng salamin na kapag nalusaw ay nagkukulay itim, at kung solid ay walang kulay. Gamit ang maliit na bugso ng kuryente ay tinutunaw ng graphics chip ang parte-parte ng LCD para magkaroon ng mga image sa screen. Iba pa ito sa mga color LCD na mas kumplikado ang operation.

Kapag nabasag o nadamage ang connector ng chip at ng LCD o nabasag mismo ang LCD at kumalat na ang crystal ay hindi na ito gagana. Dapat pag ganyan ay papalitan niyo na dahil parang lamat iyan na pagtagal ay itutuloy na ang sira ng LCD. Unfortunately, hindi na pinagaaksayahan ang LCD, kapag nagkasira ay palit na lang ang buong module, kaya madalas, mahal ang masira ang LCD. Ingatan ito.

TANONG: Paano po at saan ise-send ang STOP alert dahil laging nagsend ang SMART eh nauubos na load ko. Txtbak po and more power.

SAGOT: Ipadala ang STOP sa 211. Kung ito ay hindi umubra, tumawag na sa *888 at kumausap na ng customer service representative ng SMART. Libre po ang tawag na ito pag gamit ang SMART/ADDICT/TALK N' TEXT na SIM.

TANONG: Kakabili ko lang ng SIM at pinaopenline ko iyung cellphone ko at nilagay ang SIM na TM. Hindi nag-function. Pag ang SIM na SMART okey naman? Sinubukan ko sa iba cellphone oke naman. Ano ang sira ng cellphone ko?

SAGOT: Niloko ka ng pinagpa-openline mo, kasi hindi pa openline ang cell mo. Ibalik at ipaopen talaga, ipatesting sa harap mo. Kung ayaw niya, o kaya ay humingi ng panibagong bayad, sabihin mo okey, tapos tumawag ka na ng pulis. Ipakulong mo ang asoge, sabihin mo pag nagbago na siya ng isip, tsaka mo lang ipa-o-openline ang kulungan niya okey?

Danang napagusapan na ang openline ay magbabanggit na ako tungkol diyan. Ang pag-openline ang pinakamabilis na pagtanggal ng warranty ng iyong cellphone. Bakit ka pa ba nagpapa-openline? Lahat naman ng network eh nakakapag-usap at text sa isa't-isa, pare-pareho naman ang presyo nila? Maliban lang sa mga ibang mga promotional marketing services tulad ng 24/7 at ng Piso Call at kung anu-ano pa eh ganoon din naman iyon. Isipin mo na lang kung magkano gagastusin mo sa pag-openline tapos kapag nasira cellphone mo kakabukas-sara magkano pa uli?

Ang rason lang para magpa-openline ay kung may nagpadala sa iyo ng cellphone na galing sa ibang bansa na locked sa isang network. Madalas naman ay openline na ang mga cellphone na galing sa ibang bansa. Pero muli, sa mura ng cellphones dito sa atin, bakit ka pa magpapasakit ng ulo na magpa-openline? Magpadala ka na lang ng pera at dito ka bumili ng unit mula sa isang network na gusto mo. Mas okey iyon, kahit na ano pa sabihin mo, sa pangmatagalan mas makakamura ka.

-0-0-0-0-0-0-0-

Belated Happy Birthday kay Rachel Ybanez ng Marikina, Aidz Briones ng Cainta, Len Trance ng Perceptions, at kay Aileen Murillo ng MCFI ABCA Batch 96.

~0~0~0~0~0~0~0~

Padala ang mga katanungan ninyo tungkol sa T.E.C.H. (Telephones, Electronics, Computers at Hardware) sa walastech@gmail.com at sasagutin namin sa mga susunod na column. Basahin sa http://walastech.blogspot.com ang mga dating issue.

-033-

Q & A 001

MGA KASAGUTAN SA KATANUNGAN Ni Relly G. Carpio

Dumadami na po ang mga tanong na naite-text sa amin kaya po sasagutin po muna namin ang karamihan sa kanila sa mga susunod na issue. Salamat po sa masugid ninyong pagsubaybay aming mga mambabasa. Mabuhay po kayo!

-0-0-0-0-0-0-0-

TANONG: Bakit po ang unit o cellphone umi-init pag nire-recharge?

SAGOT: Kasi po ang ginagawa ng charger ay ginagamit ang kuryente para baligtarin ang chemical reaction sa loob ng baterya. Para pagkatapos mag-charge ay uulit na naman ang chemical reaction para magkaroon ng kuryente para sa gadget. Side effect po nitong chemical reaction na ito ay ang pagkakaroon ng init.

TANONG: Ilan po oras talaga ang pag-charge ng cellphone?

SAGOT: Iba-iba po iyan, depende sa laki ng baterya, sa lakas ng charger, at sa lakas ng kuryente na pinagsaksakan. Kung ang inyong charger ay iyung basic charger at sinaksak ninyo sa 110 volts na saksakan lang, doble ang oras ng inyong pag charge ng high capacity battery. Kung nakafast charger kayo at sa 220 volts nakasaksak, at ang battery ninyo ay iyung basic battery lang, baka wala pang isang oras ay tapos na kayo.

Ang best ay kumuha ng high capacity battery para sa inyong cell, at gumamit ng fast charger na nakasaksak sa 220 volts. Dahil ito, kahit na medyo matagal magcharge ay sigurado namang tatagal ang paggamit ninyo sa inyong cell.

Ang pinakamagandang sukat ng tagal ng oras ng pag-charge? Pag sinabi ng cellphone ninyo na "charging complete," ayun, tapos na. Pwede niyo naman paputol-putol i-charge ang cellphone eh, kung talagang iyon ang kailangan, pero, ang the best ay iyung "full charge after full discharge" palagi. Ingat sa pagsaksak ha? At baka makuryente.

TANONG: Paano ko ho malalaman na brand new ang cellphone na bibilhin ko sa stall lang.

SAGOT: Unless mayroon kang internet access at payag iyung pagbibilhan mo ng cellphone na i-check mo muna sa www.numberingplans.com iyung IMEI number nung cell na bibilhin mo ay hindi mo malalaman.

Maari kong sabihin na tingnan mo kung may selyo ang kahon, at kung official tingnan ang sticker, pero ang katotohanan ay kayang-kayang peke-in iyon ng mga magnanakaw, pirata, at smuggler ng mga cellphones dito sa Pinas.

So ang the best ko na mai-suggest sa iyo aking kaibigan ay kung bibili ka ng cellphone, pumunta ka sa mall, pumunta ka sa shop ng service provider o ng manufacturer mismo at doon bumili. Iyon ang pinakamabuting paraan siguro para masigurado mo.

Mahirap kasi na pagsabihan ang mga tao na huwag kang bumili dito o diyan. Kasi nga naman, may mga maliliit na stall na official distributor nga, pero nagbebenta pa rin ng nakaw. Ganyan talaga buhay eh, may asoge kahit saan ka pumunta.

Ang katotohanan ay ito: kapag walang bumibili, walang magbebenta. Kaya't kung walang bibili ng nakaw na cellphones, walang magbebenta at magnanakaw ng cellphones. Tigilan na po natin ang pagbili ng nakaw, illegal po iyan at walang ikabubuti sa ating bansa.

TANONG: Saan po pwedeng matutong mag-aral ng cellphone repair, sino ang mga authorized? Pwede po bang pag-aralan ito through experience? Magkano po ang magagastos?

SAGOT: Ang formal education ko po sa computers ay mula sa natutunan ko noong ako ay High School, at nung ako ay college. Pero nung ako ay nagkaroon ng ikalawang subject sa computer nung college tungkol sa paggamit ng Aldus Pagemaker (Adobe Pagemaker na siya ngayon) ay ako na ang nagtuturo sa aking mga kaklase.

Hindi po ako nagmamayabang, kasi po marami sa aking mga natutunan tungkol sa computers at gadgets ay galing din mula sa self-study. Pero, kung wala akong basic studies o fundamentals on computers na aking natutunan sa iskwela, ay siguradong hindi ako natuto on my own. Kahit na sino diyan na computer expert na magsasabi sa iyo na: "Formal School? Hindi mo na kailangan iyan! Pwede mo nang kapain kung paano magcomputer!" ay walang alam.

Ang paggamit ng computer ay isang continuing experience. Araw araw ay may bago sa field ng computer, at kung hindi maganda ang basic knowledge mo sa computers, madali kang mapapagiwanan. Kaya, oo pwede kang matuto ng computers through experience, pero hindi ka magiging magaling sa computers hangga't wala kang formal education.

Tungkol naman sa cellphone repair at sa gastos nito, nagtatanong pa ako kung saan talaga magandang mag-aral nito bago ko banggitin. Aba! Ayokong ma-agrabiyado ang aming mga mambabasa. Paki-antabayanan na lang po.

~0~0~0~0~0~0~0~

Padala ang mga katanungan ninyo tungkol sa T.E.C.H. (Telephones, Electronics, Computers at Hardware) sa walastech@gmail.com at sasagutin namin sa mga susunod na column. Basahin sa http://walastech.blogspot.com ang mga dating issue. -032-

NEGOSYO SA RELOAD

NEGOSYO SA RELOAD ni Relly Carpio

Siguro naman madami na sa inyo ang nagpapareload na hindi card ang gamit, iyung mga microload centers na nagbebenta ng mula 25 pataas na load diba?

Magandang business iyan, pero hindi ganong kalaki ang kita sa kanya. Depende na lang kung ang mga nagpapaload sa inyo ay umaabot ng daang libo diba? Pero tulad ng ibang microbusiness ay ito ay patingi-tingi ang pasok ng kita. Pandagdag sa kung anuman ang binebenta.

Nabanggit ko ito dahil sa TECHNEWS ay may mga makabagong Prepaid Loading Services na nagpakilala kamakailan na maaring maging magandang negosyo ng mga naghahanap ng mapapagkakitaan at ang tinitingnan ay ang industriya na ito. Sa pamamagitan ng makabagong teknolohiya, puwede nang makabili at magbenta ng load sa kahit ano mang network gamit ang isang cellphone lang, hindi tulad dati na isang cellphone kada network ang kailangan.

Ang una ay hatid ng PinoyGSM. Kilala sa tawag na "reLod" ito ay tinuturing na kauna-unahang "universal prepaid loading service" kung saan kahit sino pwedeng bumili at magbenta ng load ng kahit anong network na gamit ay iisang SIM card lamang.

Maliban sa tipid sa oras dahil sa pag-gamit ng isang sim card para bumili at magbenta ng load sa kahit ano mang network, ang Pinoy GSM reLoad ay nagbibigay din ng mas mababang presyo sa kanilang electronic load (eload) para ibenta sa kanilang mga kaibigan o kamag-anak. Mas malaki ang kita.

Para sa karagdagang impormasyon tungkol sa PinoyGSM reLoad, pwede po kayong tumawag sa numerong 4396422. Ang kanilang opisina ay pwedeng bisitahin sa 309 Consolacion Bldg, Araneta Center, Cubao, Quezon City. Sa mga gumagamit ng Internet, pwede din pong puntahan ang kanilang website sa http://www.pinoygsm.com o sulatan sila sa hello@pinoygsm.com via email.

Samantala sa business package na Portal Load Extreme 2, hatid ng Portal Innovations Corporation, ay maari na rin kayong makapagretail ng cell phone loads at iba pang prepaid products tulad ng internet cards, game cards, phone cards, prepaid satellite phone/tv, prepaid insurance at iba pa gamit ang dati ninyong SIM.

Bukod sa tradisyonal na pagbebenta ng load gamit ang celfon ay maari na rin makapagbenta ng load gamit ang internet at i-monitor ang sales na parang nagchecheck lang ng email. Advantage ito sa mga internet cafe na gusto ring magbenta ng load.

Sa lahat po ng magiging interesado sa negosyong ito ay maari kontakin si Dax Estorioso sa numerong 09192776294 o mag-email sa xad_81@yahoo.com.

-0-0-0-0-0-0-0-

Hindi po iniindorsohan ng WALASTECH! ang reLod ng PinoyGSM o ang Portal Load Extreme2 ng Portal Innovations Corporation. Pinaalam lang po namin sa aming mga mambabasa.

-0-0-0-0-0-0-0-

TANONG: Good PM po! Ask ko lang po kung bakit di nakakareceive ng tones or pic messages yung phone ko? Kaya ang laki ng gastos ko sa load kadalasan kasi puro dowonload lang ako. Pero nakakareceive ng MMS. I mean nakakadownload ako pero di ako nakakareceive ng ordinary picture messages.

SAGOT: Wala pong problema ang inyong phone kung ganoon. Ang may problema ay iyung content na inyong tinatanggap. Hindi po lahat ng Value Added Services o VAS ay compatible sa lahat ng phones. Dahil nga po isang brand lang ang dominant sa market, itong phone lang po na ito ang madalas na ginagawan ng mga VAS, kaya madalas ang may mga ibang brand ng cellphone ay kaunti lang ang choices. Pero nagbabago na iyan. Dumadami na ang mga downloadable VAS na pwede sa other phones. Kaunting tiis na lang siguro at kaunting ingat sa pagpili ng dinodownload kasi madalas ay walang bawian pagkatapos mo mag download.

TANONG: Hi, tanong ko lang kasi my cell akong Nokia 6100 tapos nawalan ng signal sa kakabagsak siguro. Nagcha-charge po siya pero di tumatagal at di siya nagfu-fullcharge. Mahal po ba pag pinaayos ko yon? Kasi iyong ibang nagaayos nanloloko. Jossa

SAGOT: Tama ka Jossa. Ang pinakanakakayamot sa ay iyung mga asoge na dahil alam nila na walang kinalaman ang mga tao tungkol sa teknolohiya ng cellphone ay kanilang dinadaya kapag may nagpapaayos.

Oo malaki tsansa na kaya nasira ang cellphone mo ay dahil sa pagbagsak nito, at baka mapagastos ka dahil baka kailangan ng bagong antenna module, at battery ang cellphone mo. Siguro ang pinakamaganda ay sa authorized service center ka magpaayos, kasi kahit na mas mahal ng kaunti ay hindi ka naman lolokohin, may warranty pa.

TANONG: Pag bago ang battery ilan oras ba mapuno at madalas ba 2 hours mapuno? Kasi di na nagaapear na full. Masama ba ma-over charge ang cellphone? At ano mangyayari dito?

SAGOT: Ako tatlong oras magcharge kada makalawa. Pero grabe akong gumamit ng cell. Ang bagong battery ay mayroong tawag na factory charge pero bago ito gamitin ng maayos ay kailangang i-charge ito ng matagalan para macondition iyung rechargeable chemicals nito sa loob. Ito ay tatagal mula apat hanggang 15 oras depende sa battery at charger. Hindi naman masisira iyung battery dahil ang mga makabagong battery ay designed naman na iwanang nakasaksak magdamagan ng hindi nasisira.

Pero depende pa rin uli ito sa battery at charger. Ang pinakamaganda ay basahin ang mga manual ng cellphone para malaman kung pwedeng gawin ito o hindi.

-0-0-0-0-0-0-0-

Congratulations kay Geric Anonas at ang ibang miyembro ng Philippine Karate-do Team na nagdala ng dangal sa ating bayan sa katatapos lamang na Hong Kong Open. Sila ay nagkamal ng 5 ginto, 1 silver at 3 bronze na medalya laban sa ibang Asian teams ayon sa huli naming balita. Si Geric ay nanalo ng Gold Medal sa 60 Kg. Kumite competition. Mabuhay kayo!

~0~0~0~0~0~0~0~

Padala ang mga katanungan ninyo tungkol sa T.E.C.H. (Telephones, Electronics, Computers at Hardware) sa walastech@gmail.com at sasagutin namin sa mga susunod na column. Basahin sa http://walastech.blogspot.com ang mga dating issue.

-031-

CYBERSEX

This summary is not available. Please click here to view the post.

UNIT SA TAGLAMIG

UNIT SA TAGLAMIG Ni Relly Carpio

Lamig ng panahon ano? Tsaka ulan ng ulan. Grabe ano? Alam nyo na ba na maliban sa ulan eh tuwang tuwa ang mga electrical equipment ninyo? Ito kasi ang trip nila na panahon. Kapag malamig ay kahit na gaanong katagal sila ginagamit ay cool lang sila, hindi sila maaring mag-overheat. Sige lang sila ng sige.

Ang mga gadyet kasi ay gumagamit ng kuryente, at tulad ng bumbilya ay umiinit sila habang tumatagal. At kung sumobra sila ng init ay malulusaw na lang sila. Kaya kung babasahin ninyo sa manual, sinasabi na huwag iiwanan ang cellphone o kahit na anong gadyet sa ilalim ng araw o sa tabi ng maiinit na bagay tulad ng kalan, TV, kandila, o bulkan.

Siyempre, huwag naman nating iwan sa loob ng refrigerator ang cellphone! Over ka naman! Muli, basta ingatan natin at sundin ang paggamit ng tama sa mga gadyet na sinasabi sa mga manual ay makakaasa kayo na tatagal ito.

-0-0-0-0-0-0-0-

TANONG: Good PM po! Ask ko lang po kung gaano katagal ang tinatagal ng cellphone at kung pwede ba siya tumagal ng habangbuhay kung iingatan siya? Thanks po.

SAGOT:Ang masasabi ko ay anim hanggang tatlong taon. Anim na buwan kasi makatapos niyan ay baka magkaproblema na ang batterya, o kaya ay mapapagsawan na kasi may bago na na model sa market. Tatlong taon kasi pagdating ng tatlong taon eh medyo nakaka-apat na palit ka na ng baterya, tatlong keypad at dalawang housing. Siguro naman eh sawa ka na.

Maganda ring magpalit kada tatlong taon kasi by this time, madami nang bagong teknolohiya sa cellphone na baka gusto mong gamitin. Tatlong taon dati, walang WAP, GPRS, MMS, o VMS. Malabo ang mga signal o kaya ay wala. Ngayon, malapit ng magkaroon ng video phone!

TANONG: Good AM po! Tanong ko lang po kung pwedeng i-upgrade o palagyan ng camera ang Nokia 3530 unit ko? Thank you po.

SAGOT: Hindi po. Maski iyung add-on camera ay wala siyang support, ang Nokia 3530 ay entry level MMS phone ng Nokia ng ito ay nirelease noon.

TANONG: Sir, may idea ka ba kung pwedeng lagyan ng FM radio ang Nokia 6600? Jess Crisologo

SAGOT: Hindi rin po. Maski iyung add-on radio ay wala siyang support, ang Nokia 6600 ay pwede mong lagyan ng MP3 music na iyong pwedeng pakinggan mula doon, o kaya ay makinig ka ng streaming internet radio mula sa internet. Pero kung radyo talaga ang habol mo ay hindi pwede ang N6600 para doon.

Mayroon namang mga murang radyo na nabibili diyan na portable sa mga ukay-ukay, pwede na iyon kung talagang gusto mo na may radyo anytime. Mas practical iyon dahil hindi mauubos agad ang charge ng cellphone mo dahil lang sa pakikinig sa radyo.

TANONG: Paano ko malalaman kung sira na ang LCD ko?

SAGOT: Kung ang iyong LCD ay may linya na hindi natatanggal, o kaya may dot na hindi rin nawawala. O kaya ay namamatay ito pero bukas naman iyung cell. Sensitibo ang LCD ng mga cellphone, ito ang isa sa mga unang nasisira pag nababagsak o nadadaganan ang cellphone.

TANONG: Good PM po. Ask ko lang po kung pwedeng lagyan ng video itong 3200. With built in cam lang po ito? Thanks po!

SAGOT: Hindi po, kasi hindi VGA ang camera ng 3200. Pang pictures lang ang kayang i-capture nito.

TANONG: Good AM. Tanung ko lang po kasi walang game yung 3530 ko na cell. Ano po ba ang problema sa cell ko?

SAGOT: Baka po walang kasama talaga iyan ng nabili ninyo, o kaya ay binura ng huling may-ari ang games para magka-space para sa ibang data. Mag download na lang po kayo sa WAP site through GPRS ng games na gusto ninyo.

TANONG: Ask ko lang sir ang unit LG where ko pwede pagawa? Di napupuno charging kahit bago battery. Pag alis sa plug namamatay. Paz from Cainta

SAGOT: Kinontak ko ang PR ng LG at ito ang sagot nila: "You may tell you reader to contact the LG Customer Information Center at 6402525 or send an SMS to LG Text Service at 0917-824-2525 (Globe) and 0920-900-2525 (Smart) to locate the service center nearest her. She may also log on to www.lge.com.ph for more details." Hope that helps.

~0~0~0~0~0~0~0~

Padala ang mga katanungan ninyo tungkol sa T.E.C.H. (Telephones, Electronics, Computers at Hardware) sa walastech@gmail.com at sasagutin namin sa mga susunod na column. Basahin sa http://walastech.blogspot.com ang mga dating issue.

-029-

TRASH TEXT

SPAM, JUNK MAIL, TRASH TEXT Ni Relly Carpio

Pas ds wrd "GOD UR SO NICE!" to 20 of ur frens (including me). If 5 comsbak, ur family wil be safe, if u ignor it 1 of ur luv may die at yr2006 - cenxa n, love ko family ko.

If you love your family you would stop wasting money on stuff like this? Aba'y 20 pesos na load na rin iyan diba? Isang kilong bigas na iyan, o kaya'y isang kain ng batang paslit sa lansangan. At ano? Sasayangin mo sa pag text sa 20 mong kaibigan? Eh paano kung wala siyang 20 na load, eh di parang sinabihan mo na rin siya na mamatayan sa susunod na taon?

Isa pa, sa tingin mo ano ang mas gugustuhin ng diyos (kesa Jehovah, Jesus, Allah o Buddha pa iyan)? Ang waldasin mo pera mo sa text o ibigay iyan sa mga kapwa mo na nangangailangan? At sa tingin mo, kung hindi mo man ipadala iyan sa 20 mong kaibigan at hindi sumagot ang lima sa kanila pabalik sa iyo, papatayin kaya ng Diyos ang isa sa mga kamaganak o kaibigan mo dahil hindi ka nagtext? Ambabaw naman noon diba? Ang dali mo naman maloko tsong! At ang babaw naman ng pananampalataya mo. Sige eksperimento tayo ha, ang hindi magtext sa akin ng limang piso sa Globe Share-a-Load makatapos basahin ito tutubuan ng kulugo!

O naniwala ka naman? Para kang bata na nasabihan ng: Ang mahuli may tae sa pwet! Kitam? Ang tawag diyan sa mga ganyan ay Junk Mail kung sa koreo, Spam kung sa internet, at Trash Text naman sa SMS, or SpamMS. Mula pa sa sinaunang panahon ay mayroon na nito. Kung meron sa inyong nakakaalala noong mauso ang chain letters na kapag hindi ka nagpadala sa mga kaibigan mo ay hindi ka susuwertehin, mamamatayan ka, tutubuan ka ng kulani, o gagahasain ka ng kambing na pilay. Ganoon din itong mga ito, mga sulat na naging text lang pero iyon pa rin ang ginagawa.

Sinasayang ang inyong oraas na imbis na inyong ginagamit para sa ikabubuti ng iyong buhay ay iyung winawaldas sa pag-forward ng mga pawang kasinungalingan at kalokohan. Mapaniwalain kasi tayong mga Pilipino sa mga pamahiin at sumpa kaya andaling makagoyo ng mga junk mail at trash text sa atin.

Ayon sa isang ICT expert ng Trend Micro, ang mga dalubhasa na gumagawa ng anti-virus software para sa mga computer, hindi viruses ang kanilang pinakamalaking pino-problema sa mga darating na panahon. Bagkus ito ang Spamming at Junkmail at Bulk mail na siyang kumakain sa oras ng mga manggagawa sa mga opisina sa buong mundo. Imbis na ang oras ng trabaho ay nagagamit ng lubos ito ay nauubos ng paunti-unti sa kababasa at kabubura lamang ng mga junk mail, Spam at kung anu-ano pa. Malaking halaga ng pera ang nawawala sa mga kumpanya dahil lamang sa spamming. Ito ay napakalaking problema sa productivity na kung inyong titingnan kung kayo ay may email, marami na sa mga ito ay mayroon nang Spam guards o software na tumitingin sa mga email na dumadating sa iyo at tinitingnan kung ito ay lehitimo o kaya ay Spam lamang at ito ay nilalagyan niya ng warning nan ito ay ganoon nga, upang ito ay iyong maiwasan at ng hindi masayang ang iyong oras.

Ganoon din dapat sa text, pero wala pa ang teknolohiya na siyang magsasabi sa iyo na ang text na dumating ay pawang kalokohan lamang. Kaya ayun, nasayang na ang oras mo, nagastusan ka pa ng 20 piso at kapag minalas ka pa at kinulang ang sumagot sa iyo ay mamamatayan ka pa next year kasi hindi mo natanggap ang "GOD UR SO NICE!" ng limang beses. Ay nako! Ang sarap maging Pilipino!

So ayun, payong kaibigan. Hindi ka magiging old maid, mamamatay, magkakaketong, tutubuan ng kulugo, mumultuhin ni Rizal, o gagahasain ng kambing na pilay kung hindi mo papansinin ang mga Trash Text na iyan ok? Isipin mo na lang na sayang ang pera at sayang ang oras na mas mahalaga sa pera. At pag hindi ninyo binasa ang susunod kong column ay di lalampas ang limang araw na mauutot kayo sa harap ng crush nyo! Bwahahahaha!

-0-0-0-0-0-0-0-

TANONG: Ano po ang ginagawa sa aking cel ng aking pinsan? Bakit po di makapagsend kahit na may load, ang lumalabas lang message sending failed?

SAGOT: Ginagalaw ng insan mo ang message setup ng iyong cell. Pinakamadali ay ang ibahin o burahin ang message center number na siyang pinagpapadalhan at pinagkukuhanan ng lahat ng text mula sa mga cellphone. Bawat Network Provider ay may sariling mga message center numbers. Pagsabihan mo ang pasaway na pinsan mo, kapag may nabago siya sa setup na hindi niyan intindi ay baka kailanganin niyo pang dalhin sa service center iyan para magkatext muli.

~0~0~0~0~0~0~0~

Padala ang mga katanungan ninyo tungkol sa T.E.C.H. (Telephones, Electronics, Computers at Hardware) sa walastech@gmail.com at sasagutin namin sa mga susunod na column. Basahin sa http://walastech.blogspot.com ang mga dating issue.

-28-

EMAIL

EMAIL ANG BAGONG KOREO Ni Relly Carpio

Isa pang magandang gamit ng internet ay ang tinatawag na email. Sa pamamagitan ng email ay maari kang sumulat sa ibang tao ng sulat na kaagad niyang matatanggap kahit nasaan man siya sa mundo basta mayroon siyang tinatawag na email address.

Parang ganito iyan eh: Kapag kumuha ka ng email address parang bumili ka ng address na pwedeng pagdalhan ng sulat ng kahit kanino man sa buong mundo, at ito ay maari mong matanggap kahit kailan mo gusto, kahit saan. Gamit din ang email address na ito, ikaw ay makapagpapadala sa kahit kanino man na mayroong email address.

Basta may address ka na ay okay na, pwede ka nang sulatan. Dati ang pagkakaroon ng email address ang tinatawag na marka ng pagiging netizen (short for citizen of the internet), hindi na uso ang salita na iyon. Anyway, sa gamit ng email na ito ay maari ka ng makipagsulatan sa iyong mga kaibigan at kamaganak kahit na nasaan man kayo sa mundo. Ang maganda pa dito sa email ay halos instantaneous ito, bumilang ka ng sampu makatapos mong ipadala ang sulat ay malaki ang pagkakataon na naandoon na iyung sulat mo sa iyong pinadalhan.

Diba? Hindi tulad ng koreo na inaabot ng linggo. Kung wala pa kayong email, pero may mga kaibigan kayo na mayroon na, ito na siguro ang magandang pagkakataon na matuto ka na hindi lamang ng email, ngunit pati ng internet. Magpaturo ka na sa marunong, o kaya ay pumunta sa isang internet shop at magpaturo sa kanila.

Sa mga first timer ilang payo: hindi lahat ng inyong nakikita sa internet ay totoo. Maraming manloloko na nagsasabi na may napanalunan ka na ganito at ganiyan. Madalas sa hindi mangagancho ang mga iyon. Huwag din basta-bastang ibigay ang email kahit saan at kung kani-kanino. Ipamimigay mo ba ang address mo sa bahay kahit kanino? Hindi diba? Ganun din ang email address. At matutong gumamit ng nickname o alias sa internet. Kasi may mga gago sa internet na kapag nalaman ang pangalan mo ay mahahanap na nila lahat ng tungkol sa inyo at maari pang gamitin ang inyong pangalan sa kung ano.

Ang internet ay parang kahit anong lugar na hindi mo alam. Huwag kang gumala sa mga madidilim na lugar at huwag makikipagkilala sa kung sino-sino. Ok?

-0-0-0-0-0-0-0-

TANONG: Good AM! Paano po malalaman kung kailan ginawa ang cellphone na nabili ko?

SAGOT: Ang bawat cellphone na ginawa ay mayroong IMEI (International Mobile Equipment Identity) number na kasama. Ito ay kasama sa kahon o kaya ay minsan nasa sticker sa loob ng lalagyan ng battery. Kung gusto ninyong malaman ang IMEI ng inyong cellphone ay i-type nyo lang ang *#06# sa inyong cell at lalabas na ang 15 digit IMEI number ninyo. Magandang copyahin ninyo ito at itago dahil ito ang number na hinihingi ng NTC kapag nanakaw ang inyong cellphone para hindi mapakinabangan ng mga magnananakaw ang inyong cellphone. Dahil sa pamamagitan ng IMEI ay pwedeng i-block ang cellphone mula sa lahat ng network providers sa buong mundo.

Kung gusto ninyong malaman ang date of manufacture ng inyong cellphone ay pumunta lamang sa www.numberingplans.com sa internet at hanapin doon ang IMEI number analysis tool. Sa tulong nito, malalaman ninyo hindi lamang kung kailang ginawa ang cellphone ninyo pero kung ito ay na-modify na ng nagbenta sa inyo.

TANONG: Good PM po! Ask ko lang ano ang sira ng cell ko 3315, may lumalabas siya na CONTACT SERVICE than di na siya nago-off pag lumabas na yun kelangan alisin pa battery. Thanks.

SAGOT: Tulad ng lahat ng computer at gadyet na gumagamit ng memory at mga Central Processing Unit ang cellphone ay nagha-hang. Iyun yung parang titigil siya tapos hindi na aandar, titirik baga. May tama na siguro ang cellphone mo. Ang buo ng message na iyan ay: CONTACT SERVICE PROVIDER, in short HELP! SIRA NA AKO. Dalhin sa authorized service center o mapapagkatiwalaan na repair shop dahil either ang cell mo ang sira o ang SIM card.

TANONG: Hi! Good AM. tanong ko lang bakit ang (TV network) panay ang padala ng mga kung anu-ano inistop ko ayaw pa rin tumigil nauubos ang load ko minsan lang ako sumali sa promo ng (TV show) always na nagte-text ano ba ang dapat kong gawin? Please naman paki-sagot, wait ko sa PM bukas ha?! Carmen

SAGOT: Sorry kung ngayon lang kita nasagot Carmen ha? Pero madaming nauna sa iyo eh, alam mo naman, first come first serve diba? Anyway, ang problemang ito ay mula na sa mga Value Added Services Provider (VAS Provider). Kung ayaw matigil ang kanilang padala, kahit na ikaw ay nagpa-stop alert na sa kanila, tumawag ka na sa iyong Network Provider (Globe, Smart o Sun) at ipa-request na ipatigil ang iyong subscription. Dapat ay asikasuhin nila agad iyan, kung hindi ay magfile ka na ng formal complaint. Masisigurado ko sa iyo na hindi na aabot iyon doon. Meron lang kasing mga VAS Providers na minsan ay palapak ang serbisyo, ampanget pa ng logos, pero akala nila ay oks. Pagpasensiyahan mo na hane?

~0~0~0~0~0~0~0~

Padala ang mga katanungan ninyo tungkol sa T.E.C.H. (Telephones, Electronics, Computers at Hardware) sa walastech@gmail.com at sasagutin namin sa mga susunod na column. Basahin sa http://walastech.blogspot.com ang mga dating issue.

-27-

GUMAMIT NG INTERNET

MATUTONG GUMAMIT NG INTERNET Ni Relly Carpio

Totoo na hindi lahat ng tao ay nangangailangan ng gumamit ng internet. Pero maaring sabihin na ang internet ay meron para sa lahat. Ang internet ay ang international o pandaigdigna na network o pagsasama-sama ng milyon-milyong computer sa buong mundo. Isipin ninyo, lahat ng karunungan at teknolohiya ng lahat ng computer na iyon at ng mga tao na naandoon sa network na iyon ay inyong maaring malaman at magamit. Madami sa mga kasagutan ko sa inyo ay halaw ko mula sa internet o kaya ay nakukuha ko mula sa mga eksperto sa pamamagitan ng internet.

Ang internet ay nagsimula bilang eksperimentong militar noong panahon ng coldwar. Ito ay isang information network na hindi kayang pabagsakin ng nuclear attack dahil walang isang sentro na maaring burahin. Sa ngayon ay tinatayang mga 13 sentro ng impormasyon ang Internet na nakakalat sa buong mundo. Itong centers na ito ang siyang diandaanan ng lahat ng gumagamit ng internet. Ito ay pinapatakbo ng mga pinakamagagaling na utak ng mundo sa larangan ng teknolohiya na saklaw ng internet.

Ang internet ay libre. Ang binabayaran ng mga gumagamit ay ang paggamit ng mga cable at ng kuryente upangn ito ay makarating sa inyong computer. Pero ang paggamit ng itnernet mismo ay libre. Lahat ng impormasyon na iyon libre. Diba? Isipin niyo na lang lahat ng impormasyon ng buong mundo. Siguro naman may makukuha kayo na magagamit doon. Maraming mga estudyante ang gumagamit ng internet ngayon para sa kanilang mga research paper at mga assignments.

At bakit nga naman hindi, eh sa pamamagitan ng search engine ay madaling makita ang mga datos na kailangan nila para magawa agad ang kanilang mga assignment! Ang search engine ay isang software o program na ang trabaho ay ang hanapin ang datos na kailangan mo ng madalian at ito ay ihanay-hanay para madali mong masilip at makita ang inyong hinahanap.

Kung ikaw ay isang negosyante, ang internet ay isang magandang source din ng impormasyon tungkol sa iyong business. Aba, siguro naman eh hindi lang ikaw ang tinapa vendor sa buong mundo ano? Malay mo may matutunan ka na bago mula sa mga dried and smoked fish manufacturers mula sa Inglatera? Lahat naman iyan eh nakabase sa iyung pagnanais na matuto eh. Yun nga lang, kung dati ay kinakailangan mo pang pumunta sa DOST para makakuha ng teknolohiyang makabago para sa iyong negosyo ay sa pamamagitan ng internet ay kahit na sa loob lamang ng iyong bahay ay makapagsasaliksik ka na.

-0-0-0-0-0-0-0-

Pero tulad sa lahat ng impormasyon, hindi lahat ng inyogn makukuha ay totoo, kaya importante rin na matuto na kumuha lamang ng karunungan mula sa mga mapapagkatiwalaan na websites. Ang website ang siyang mga pahina ng impormasyon sa internet. Hindi lahat ng sources o pahina ay mapapagkatiwalan. Meron din naman kasing mga gago sa internet, tulad sa totoong buhay. Siguro ang pinakamaganda ay siguraduhin kahit na anong impormasyon ang kunin sa internet. Ikalawang palagay ika nga.

-0-0-0-0-0-0-0-

TANONG: Hello Sir. Ask ko lang po kung ano ang sira ng cellphone ko? Minsan kasi pag nagte-text ako nag-o-off bigla ang cellphone ko kahit na full battery pa. Nakakainis kasi pag i-open erase na yung message ko, uulit na naman - Bamboy Bugli

SAGOT: Kahit na full charge na ang battery hindi ibig sabihin nito na marami ang charge, ang ibig sabihin lang ay puno na. Ang battery ng cellphone habang tumatagal ay lumiliit ang nahahawakan na charge. Kapagdaka ay hanggang ilang minuto na charge na lamang mula sa halos 200 oras. Ang common na buhay ng battery ay anim na buwan. makatapos noon ay magsisimula na itong magdeteriorate o sumablay. Magpalit ka na ng battery, buy original.

TANONG:Pag bago ba ang battery ang starting ba ng bar isa kagad bago umandar ang bar? O sa nagcha-charging ang starting wala pa bar?

SAGOT: Ang tawag diyan ay factory charge. minsan ay isang buong bar iyan o kaya ay walang bar, pero diyan talaga simula niyan. Ang importante ay ang pag unang charge na nakasaad sa manual ay sundin ng mabuti, kasi iyan ang magdi-dikta kung gaano kaganda ang performance ng inyong baterya for its life.

TANONG: Gud AM! Nasisira po ba ang cellphone or battery kapag nagtext or tumatawag habang nakacharge ang cellphone?

SAGOT: Kung NiCD ang inyong battery oo, pero kung NiMH or Li-Ion hindi. Tingnan sa batterya kung anong klase siyang battery.

~0~0~0~0~0~0~0~

Padala ang mga katanungan ninyo tungkol sa T.E.C.H. (Telephones, Electronics, Computers at Hardware) sa walastech@gmail.com at sasagutin namin sa mga susunod na column. Basahin sa http://walastech.blogspot.com ang mga dating issue.